Reite: Cronologie eller TidsRegning - hvori bliver at indføre, alle muelige Tildragelser, hændelser

I februar 1842 byrja Ole Johannes Olsen Reite, busett på garden Reite i Folkestadbygda, å skrive i ei bok han kalla Cronologie eller Tids-Regning. Føremålet med boka var at han ville "bringe i nøie Erindring for Efterslægten" store og små hendingar i si samtid. Boka, som han sjølv hadde bunde inn, tek til med eit attersyn over det Ole hugsar frå barndoms- og ungdomstid, heilt attende til 1815. Deretter skreiv han årlege oppsummeringar frå 1841 til november 1875 då han døde. Sonen, Ole Reite d.y., sonesonen Ola Reite og hans son Olav Reite heldt fram med arbeidet Ole Johannes starta. Dei skreiv oppsummeringar for kvart år frå 1875 til 1946.

 

Resultatet er eit samanhengande og svært rikt kjeldemateriale som spenner over eit tidsrom på om lag 130 år. I tillegg til ei lang rekkje faktaopplysningar kjem skrivarane med sine personelg kommentarer til det som hender. Boka gjev dermed både eit interessant innblikk i korleis livet arta seg og utvikla seg i ei sunnmørsbygd i tidsrommet 1815 – 1946 og eit innblikk i tankar og refleksjonar dei som skreiv gjorde seg der og då.