Domen

Omtale

I Domen tek gravide Sina styringa på Storeneset etter at husbonden Lars i eit anfall av sjalusi nær tek livet av henne på sjølve brylllaupsnatta. Drengen Andrias grip inn for å berge Sina, som han forgudar, og Lars ligg no til sengs med bròtskadar etter basketaket. Denne hendinga valdar eit etterspel som får Lars til å røme garden, mykje takka vere gamlekona Randina, like myndig og fyndig som før. Rakel og broren Bern har funne seg til rette i Vetteberget i lag med den einslege skreddaren Petter, Rakel sin bergingsmann etter rasulukka. Rakel finn ei mystisk bok på den attgrodde Hjellen, plassen der trollkvinna Rammen heldt til inntil ho vart dømd for åndeleg og lekamleg samkvem med Djevelen, fem tiår før Rakel si tid. Denne boka får avgjerande verknad på Rakel sin livsveg, men det ventar henne harde prøvingar langs denne leia i åra som kjem.