Du vil kjenne eit lite stikk

Omtale

Eigentleg har alt gått på skinner for Hanne så langt i livet. Dei gode karakterane frå vidaregåande har ho veksla inn i seks år på medisinstudiet. Ho har lyse utsikter, gode intensjonar og altfor stor kvit frakk, men det viser seg å vere langt frå lesesal til akuttmottak. Det kan umogleg halde i lengda.

Det er ikkje noko som er meir vaksent enn å vere doktor på ordentleg. På gode dagar reddar ein liv, men døden kjem vel så ofte. Hanne prøver hardt å vere flink lege , medan ho manøvrerer mellom trøytte bakvakter, rasande pårørande og ei overhengande frykt for å gjere feil. Så skjer det som ikkje skal skje. Hanne si verd ramlar saman, og ho byrjar å tvile på sin eigen verdi både med og utan stetoskopet kring halsen.

Du vil kjenne eit lite stikk er ei forteljing om skuld, straff og forsoning – og om å møte den rette i livet.

«Sterk debut med uventet legeroman. (…) Det er noe menneskelig og sårt i denne romanen som rett og slett gjør at boken er vanskelig å legge fra seg. Skølt gir oss et nydelig innblikk i hvordan følelsen av utilstrekkelighet spiser en opp når man blir kastet ut på dypt vann. (…) Den språklige stilen er lavmælt og til tider knapp, noe som passer underlig godt. (…) Skølt har rett og slett fanget meg. «Du vil kjenne eit lite stikk» er en underlig fascinerende bok som gir termen legeroman et helt nytt innhold. Dette er en sterk debut av Ingvild Skølt og jeg er spent på å se om hun klarer å overføre denne såre og ekte følelsen til nye miljøer i fremtiden. Denne romanen kan du trygt lese.» Nancy Øvrehus, Stavanger Aftenblad (Terningkast 5)

«Ingvild Skølt har skrive ein frisk og levedyktig debutroman. (…) Språket er både nøkternt og rikt, dramaturgien har det rette blodtrykket. Person- og miljøskildringane er truverdige …» Ingvild Bræin, Dag og Tid