Feil manglar vi alle: Glupt og gladlynt frå Nordfjord

Omtale

Lensmannen, som var fleinskalla, kom inn på butikken til Jo-Knut og bad om ein kam.
«Denne gjer vel nytta for deg!» sa Jo-Knut og slengde eit pusseskinn på disken.

Jo-Knut på Hjelle i Eid er ein av mange nordfjordingar vi møter i Feil manglar vi alle. Her får du fleire hundre historier og slagferdige replikkar, samla og redigerte av Ivar Andenæs. Mange av dei har først vore publiserte i Facebook-gruppa Gode Nordfjord-historier.

Feil manglar vi alle byr på humor frå heile Nordfjord og frå alle samfunnslag. Mange av historiene er fortalde av folk som sjølve har opplevd dei. Illustrert med over 120 gamle og nyare foto.